Balaǵa 3 jasqa deıin teledıdar kórýge bolmaıdy - «Balapan» telearnasynyń basshysy

Balaǵa 3 jasqa deıin teledıdar kórýge bolmaıdy - «Balapan» telearnasynyń basshysy

ASTANA. QazAqparat - "Balapan" telearnasynyń dırektory Maqpal Jumabaı óz kórermenderine keńes berdi, dep xabarlaıdy QazAqparat tilshisi.

Arna basshysy "QAZAQFORUM - 2018" konferentsııasynyń alǵashqy sessııasyna qatysyp, qazaq tildi kontentti damytýǵa qatysty óz oılaryn ortaǵa saldy. M.Jumabaı óz kórermenderine mańyzdy bir erejeni umytpaý qajettigin jetkizdi. "Bul jerde jýrnalıster otyr ǵoı. Ótinish, myna bir aqparatty xalyqqa taratsańyzdar. Balaǵa 3 jasqa deıin telearna kórýge bolmaıdy. 3 jastan 7 jasqa deıin 20-30 mınýt qana, 7 jastan 12 jasqa deıin 30-50 mınýttyń arasynda, al 12 jastan joǵary balaǵa bir saǵatqa ruqsat etiledi. Buny óte qatty qadaǵalaý qajet. Sebebi onyń zardaby úlken bolady", - dedi M.Jumabaı. 

Aıta keteıik, búgin Astanada Astanada qazaq tildi kontentti damytýǵa arnalǵan "QAZFORUM - 2018" konferentsııasy bastaldy. Іs-sharany QR Aqparat jáne kommýnıkatsııalar mınıstri Dáýren Abaev ashty. Onyń aıtýynsha, qazaq tildi kontenttiń sany artyp keledi. Endigi maqsat - sol kontenttiń sapasyn kóterý. "Búginde qazaq tildi saıttardyń sany da, salmaǵy da artyp keledi. Ýaqyt talabyna saı óz aýdıtorııasyn qalyptastyrǵan básekege beıim qazaq tildi portaldardyń qarasy kóbeıip jatyr. Osy qarqyn jalǵassa, bizdiń memlekettik tilimizdiń mártebesi ósedi", - dedi D.Abaev. 

 


Источник: www.inform.kz

Поделиться:

Назад в категорию