Вице-премьер Ералы Тоғжановтан да коронавирус анықталды

Вице-премьер Ералы Тоғжановтан да коронавирус анықталды

Вице-премьер Ералы Тоғжанов коронавирус жұқтырды, деп хабарлайды zakon.kz.

Бұл туралы ол facebook-тегі парақшасында жазды.

"Маған да оқшаулануға тура келді. Инфекцияны жұқтырып алмауға қанша тырыссам да одан пайда болмады. Менен симптомы жоқ коронавирус инфекциясы анықталды. Енді тезірек сауығып, ортаға оралу үшін дәрігерлердің барлық нұсқауларын орындаймын. Мен азаматтардан қауіпсіздік шараларын ұстануды: маска киюді, антисептикті қолдануды, қолды үнемі сабындап жуып, гигиена ережелерін сақтауды сұраймын. Барлықтарыңызға зор денсаулық тілеймін!", - деп жазды ол.

Айта кетсек, Денсаулық сақтау министрінен коронавирус анықталғандықтан ҚР Премьер-министрі Асқар Мамин, Жамбыл облысының әкімі Бердібек Сапарбаев, Білім министрі Асхат Аймағамбетов, Ауыл шаруашылығы министрі Сапархан Омаров, Экология министрі Мағзұм Мырзағалиев, Қаржы министрі Ерұлан Жамаубаев өз-өзін оқшаулануға мәжбүр болды. Олардың барлығы жаңа вирусқа тест тапсырды, бәрінің нәтижесі, әзірге теріс. 17 маусымда Мәжіліс Төрағасы Нұрлан Нығматулиннен коронавирус анықталды, ол да өз-өзін оқшаулады. Коронавирус жұқтырған Денсаулық сақтау министрі Елжан Біртановтың жағдайы орташа деп бағаланады, оған пневмония диагнозы қойылған.


Источник: zakon.kz

Поделиться:

Назад в категорию